Stuffed Chicken Roll Recipe | కోడికూర చుట్లు
తయారికి కావాల్సిన పదార్థాలు :
- బోన్ లెస్ చికెన్ : 250 గ్రా
- మైదా పిండి : 250 గ్రా
- అల్లం వెల్లులి పేస్టు : 2 స్పూన్స్
- తందూరి మసాలా పొడి : 1 స్పూన్
- పసుపు , ఉప్పు , కారం ; తగినంత
- తరిగిన ఉల్లిగడ్డ : 1 కప్పు
- నిమ్మరసం : 2 స్పూన్స్
- నేయీ : 1 స్పూన్
- కొత్తిమిర
- నూనె
- పెరుగు : 1/2 కప్పు
- ఎగ్స్ : 2
తయారు చేయు విధానం :
- బోన్ లెస్ చికెన్ తీసుకోని కడిగి తడి లేకుండా చూసుకొని ఒక బౌల్ లో వేసుకొని దానిలో 1 స్పూన్ తందూరి మసాలా, పసుపు, కారం, ఉప్పు, అల్లం వెల్లులి పేస్టు, పెరుగు, నేయి, 1 స్పూన్ నూనె, నిమ్మరసం వేసి బాగా కలిపి ఒక గంట పాటు పక్కన పెట్టుకోవాలి.
- ఈ సమయంలో మైదా పిండి లో కొంచెం ఉప్పు వేసి చేపాతి పిండిల తడిపి పక్కన పెట్టుకోవాలి.
- స్టవ్ ఫై గిన్నె పెట్టి 4 స్పూన్స్ నూనె వేసి తరిగిన ఉల్లిగడ్డలను వేసి కొంచెం మగ్గాక నానపెట్టిన చికెన్ వేసి బాగామగ్గే వరకు మూత పెట్టి ఉంచాలి. చికెన్ ఉడికిన తరువాత కొత్తిమిర చల్లి స్టవ్ కట్టేయాలి.
- ఇప్పుడు తడిపిన పిండి ముద్దను పరోటా మాదిరిగా చేసుకొని కాల్చుకోవాలి. తరువాత స్టవ్ ఫై పాన్ పెట్టి 1 స్పూన్ నూనె వేసి గుడ్డు పగలగొట్టి ఆమ్లెట్ వేసి దాని మీద చేపాతి వేసి కాల్చుకోవాలి.
- ఈ చేపాతిలో వండిన చికెన్ వేసి రోల్ మాదిరిగా చుట్టుకోవాలి.
