పచ్చిమిర్చి పేస్టు, కాజు పేస్టు, ఉల్లిగడ్డ పేస్టు, టమాట పేస్టు అన్నింటిని విడి విడిగా చేసి పక్కన పెట్టుకోవాలి.
స్టవ్ ఫై కడాయి పెట్టి 5 స్పూన్స్ నూనె వేసి వేడి అయ్యాక కాజులను వేసి దోరగా వేయించి పక్కన పెట్టుకోవాలి.
అదే గిన్నెలో గరం మసాలా దినుసులు, బిర్యాని ఆకు, ఎండుమిర్చి వేసి వేగాక పచ్చిమిర్చి పేస్టు వేసి పచ్చి వాసన పోయే అంత వరకు కలుపుకోవాలి. ఇపుడు ఉల్లిగడ్డ పేస్టు వేసుకొని కూడా కలిపి 2 నిమిషాల తరువాత టమాట పేస్టు వేసి మగ్గనివ్వాలి.
ఇపుడు పసుపు, ఉప్పు, కారం, గరం మసాలా పొడి, కసూరి మేతి పొడి, పంచదార వేసి బాగా కలిపి 2 నిమిషాలు ఉడకనివ్వాలి తరువాత మిక్స్ చేసిన కాజు పేస్టు వేసి తగినన్ని నీళ్ళు పోసి మగ్గనివ్వాలి.
చివరగా ఫ్రై చేసి ఉంచిన కాజులను, కొత్తిమిర వేసి కలిపి 2 నిమిషాల తరువాత స్టవ్ కట్టేయాలి.
